MANILA, Philippines - Pinangalanan ng banyaÂgang pahayagang The Asset ang BDO Capital and Investment Corp. (BDO Capital) na pinakamagaling na investment bank sa Pilipinas sa katatapos lamang na The Asset Triple A Country Awards 2012 Southeast Asia.
Ito ay pampitong magÂkakasunod na taon na tumanggap ang BDO Capital, ang investment-banking arm ng BDO Unibank, Inc. (BDO), ng nasabing award.
Samantala, ang US$1 billion rights issue ng BDO ay kinilala bilang Best Deal sa Pilipinas ng nasabing publikasyon. Ang nasabing deal na nakumpleto nuong unang kalahati ng 2012 ay pinamunuan ng Citi, Deutsche Bank, at J.P Morgan bilang international underwriters; United Overseas Bank bilang co-lead manager; at BDO Capital bilang domestic underwriter.
Ang The Asset, isang Hong Kong-based publication na binabasa ng mga financial decision makers ng Asya, ay nauna ng pinarangalan ang isa pang subsidiary ng BDO – ang BDO Private Bank – bilang best private bank sa Pilipias sa nakaraang Triple A Investment Awards nito.