MANILA, Philippines - Nakatakdang dumating sa bansa ngayong araw ang isang submarine ng Estados Unidos para sa isang routine port call sa Subic Bay sa Olongapo, Zambales.
Ayon sa US Embassy, ang USS Olympia (SNN 717), isang submarine ng Los Angeles class design ay dadaong sa Subic Bay Freeport ngayong Huwebes, Oktubre 4.
Ang pagbisita ay naglalayong makapagpahinga at makapag-relax ang mga crew at magkarga ng mga supply ng nasabing submarine.
Nagsimulang maglayag ang nasabing submarine noong Pebrero 1986 sa kanyang tahanan sa Pearl Harbour sa Hawaii. Siya ang ikalawang US ship na nagdadala ng pangalan ng Olympia City, Washington.
Ang orihinal na USS Olympia ay na-commissioned noong 1895 at bilang bahagi ng Asiatic fleet, naging flagship ng Commodore George Dewey sa Battle of Manila Bay noong 1898. (Ellen Fernando/Joy Cantos)