MANILA, Philippines - Hindi pa man naibababa ang hatol kay impeached Chief Justice Renato Corona watak-watak na ang defense¬ team nito ayon kay Senator Franklin Drilon.
Ibinunyag kahapon ni Drilon na mismong si dating Associate Justice Serafin Cuevas, head ng defense team ni Corona ay asar umano sa isa sa mga kasama nilang abogado at nais sana nitong ipa-contempt.
Ayon kay Drilon, noong magsagawa sila ng caucus matapos mag-walkout si Corona noong Martes ay itinuro ni Cuevas ang isa sa mga kasamahan nilang abogado na si Atty. Jose Roy III habang ini-interview sa telebisyon. Sinabi umano ni Cuevas na “ayan, daldal ng daldal¬. I contempt nyo at ikulong ng 10 araw, hindi ako mag o-object”.
Ipinaliwanag ni Drilon na nakasama sa caucus si Cuevas upang linawin na hindi niya alam ang big¬lang pag-alis ni Corona matapos ang mahaba nitong opening¬ statement. Naniniwala si Drilon na wala tala-gang kinalaman si Cuevas at may ibang nagsasabi kay Corona kung ano ang dapat gawin.