MANILA, Philippines - Nananatiling very good ang performance ng pamahalaang Aquino sa huling quarter ng 2011.
Sa latest survey ng Social Weather Stations (SWS) na naipalabas nitong Lunes, lumabas na 67 percent ng mga respondents ang satisfied sa performance ng Aquino government sa huling tatlong buwan ng nagdaang taon, 21 percent naman ang hindi sigurado at 11 percent ang dissatisfied.
Ipinapakita sa survey na pito sa 10 katao ay kuntento sa pamamalakad sa bansa ni Pangulong Aquino.
Higit na nagpatingkad sa very good performance ng Aquino administration ang pagtulong sa mga biktima ng kalamidad (58); pagtulong sa mga may kapansanan (55) at pagtulong sa mga mahihirap (51).
Good naman ang performance ng pamahalaan sa pagpromote sa kapakanan ng mga OFWs (46), pagkilala sa karapatang pantao (45), ugnayang panlabas (43), paglinang ng turismo (35), paglaban sa krimen (34), at pagkakaroon ng malinaw na polisiya (34).
Ang naturang survey ay isinagawa sa may 1,200 respondents noong nagdaang December 7, 2011
Ang naturang rating ay nagpapakita lamang na mas mataas pa rin ito sa nagdaang administrasyon mula February 1989.
Ikinalugod naman ng Malakanyang ang mataas na public satisfaction sa pamahalaang Aquino.