MANILA, Philippines - Naging matagumpay ang idinaos na 8th Recom Golf Classic na pinangunahan ni Caloocan City Mayor Enrico “Recom” Echiverri na ginanap sa Philippine Veterans Golf Club sa Quezon City noong Sabado (November 6).
Nagpasalamat si Echiverri sa lahat ng mahihilig sa larong golf na sumali sa Recom Golf Classic dahil ang makikinabang sa proyektong ito ay ang Tahanang Mapagpala at Tahanang Mapagkalinga na siyang umaampon sa mga batang inabandona at inabuso ng kanilang mga magulang.
Simula ng maging alkalde ng nasabing lungsod si Echiverri ay sinimulan nito ang pagpapalaro ng golf at ang kinikita sa palarong ito ay napupunta sa dalawang bahay ampunan.
Kabilang sa mga nanalo sa naturang paligsahan ay sina Bong Joven - Class A Champion; B. Bunciaw – 1st runner-up; Jay Cruz – 2nd runner-up; George Guan – Class B Champion; Tony Mariano – 1st runner-up at B. Santos – 2nd runner-up.