MANILA, Philippines - Tila nanginginig na ngayon sa takot si dating pangulong Gloria Arroyo hinggil sa mga kasong nakatakdang isampa laban sa kanya matapos na maghain ng resolution para isulong muli ang Constitutional Convention na magreresulta para mabago ang 1987 Constitution.
Katuwang ng dating pangulo ang kanyang anak na si Camarines Sur 1st District Rep. Diosdado “Dato” Arroyo sa pagsusulong ng House Resolution No. 8 para sa Con-con. Agad naman na inulan ng batikos ang nasabing hakbang ng mag-inang Arroyo at halata umanong ginagamit ng mga ito ang Con-con para tuluyang maisulong ang Charter Change.
Sinabi pa rin ng mga kritiko ni Arroyo na kung magtatagumpay ang Cha-cha sa pamamagitan ng Concon ay malaki ang posibilidad na maging Prime Minister ang dating pangulong Arroyo at tiyak na magkakaroon muli ito ng kapangyarihan para manipulahin ang gobyerno at taumbayan.
Ang nasabing resolution ay isinumite ng isa sa mga tauhan ni Rep.Dato Arroyo.
Sinabi naman ni Rep. Teodoro Casino na tiyak na mananagot si GMA sa taumbayan ngayong wala na itong immunity sa kasong kriminal nang matapos ang kanyang pagiging pangulo ng bansa.