MANILA, Philippines - Isusulong ni Pwersa ng Masang Pilipino (PMP) senatorial candidate Rodolfo “Ompong” Plaza ang mas mataas na share ng local government units sa Internal Revenue Allotment (IRA).
Pinaboran din ni Agusan del Sur Rep. Plaza ang panukala na ibigay na lamang sa mga LGUs ang pork barrel upang lalong mapabilis ang pag-unlad sa kanayunan.
Aniya, napag-iiwanan na tayo ng mga kalapit-bansa sa termino ng pag-unlad dahil sa hindi maayos na distribusyon ng IRA shares na dapat ay mas lakihan upang maisulong ang tuloy-tuloy na pag-unlad.
Nais din ni Plaza na palawigin ang termino ng mga barangay officials mula sa kasalukuyang 3 taon ay gawing 5 taon ang termino nito upang lubos nilang mapagsilbihan ang kanilang nasasakupan. (Rudy Andal)