MANILA, Philippines - Iginiit ng isang grupo ng mga Muslim na tanging si Bangon Pilipinas presidential bet Bro. Eddie Villanueva ang tanging my kakayahan para maresolba ang suliranin sa nagaganap na kaguluhan sa Mindanao.
Malaki ang paniniwala ni Dr. Zafrulla Alonto, isa sa mga tumatakbong senador sa ilalim ng BP, at mga kasamahan nitong Muslim leaders na kasapi ng Amanah Coalition na dapat suportahan ng mga Filipino si Villanueva dahil sa mahusay nitong kakayanan sa pagsusulong ng kapayapaan sa bansa lalo na sa Mindanao.
Ang Amanah Coalition ang pinakamaimpluwensiyang grupo ng mga Muslim at miyembro ng Lumadnons sa Mindanao, Maguindanao, Sulu at Palawan. Kabilang din si Alonto sa pinakamalaking clan sa Mindanao at konektado sa Moro Islamic Liberation Front na inaasahang susuporta din sa Bangon Pilipinas. (Grace dela Cruz)