MANILA, Philippines - Siyam pang sibilyan na hinostage ng notoryus na grupo sa Agusan del Sur ang pinalaya kaha pon sa pagpapatuloy ng negosasyon sa mga suspek.
Ayon kay Major Michelle Anayron, spokesman ng Army’s 4th Infantry Division (ID), pinakawalan ang mga bihag na sina Lilia Caube, Belita Dolorito, Elvisa Alaba, Finpiana Avenido, Jose-lita Fernandez, Merly Sanchez, Zenaida Maglasag, Mary Jane Goden, at Felix Lacare.
Itinurn-over ang mga bihag sa tumatayong negosyador na si Josefina Bajade, kinatawan ng Department of Social Welfare and Development.
Tiwalan naman si Sr. Supt. Nestor Fajura, Operations Chief ng CARAGA Region Police Office, na matatapos ang hostage crisis sa lalong madaling panahon dahil bukas sa negosasyon ang mga kidnaper.
Una nang pinakawalan nitong Huwebes ng grupo na pinamumu-nuan ni Ondo Perez ang 17 elementary pupils at matatandang bihag habang nakatakas naman ang dalawang guro.
“Forty-eight pa ang naiwan dun sa area, but according to the negotiators there, in good condition naman ang mga ito,” ani Fajura.
Aminado naman ang opisyal na mahirap pagbigyan ang demands ng mga kidnappers kabilang ang pagdisarma sa kalaban ng mga itong gang na pinamumunuan naman ni Jun Tubay at pag-atras sa kanilang mga kasong kriminal tulad ng murder saka robbery.
Ang mga kidnaper ay humihingi rin ng sigarilyo, battery ng flashlight at nais rin ng mga itong magpadala ang Crisis Management Team na pinamumunuan ni Agusan del Sur Gov. Ma. Valentina Perez ng mga mediamen dahilan nais ng mga itong magpa-interbyu lalo na sa telebisyon.
Nabatid naman kay AFP–Public Affairs Office Chief Lt. Col. Romeo Brawner Jr. na si Perez ay da-ting miyembro ng Cafgu Armed Forces Geogra-phical Unit o CAFGU.
“Hinahabol sila ng police for the murder char ges but when they were almost cornered, they took the civilians, ginawa ni lang hostage,“ sabi ni Brawner.
Samantala, inatasan na ng Malacañang ang local crisis management committee sa Agusan del Sur na siguruhin ang kaligtasan ng mga hostage victims.
Sinabi ni Press Secretary Cerge Remonde, na kahanda na ang pulis at military na lumusob sa pinagkukutaan ni Perez matapos nitong dukutin ang ilang estudyante, guro at iba pang sibilyan kamakalawa.