MANILA, Philippines - Mahigit 100 pintor mula sa iba’t-ibat bahagi ng bansa ang nakatakdang sumuporta sa isang fund raising project para magtayo ng day care center sa Payatas, Quezon City.
Ang proyekto na binansagang “Art for Youth’s Sake: Eksibit Para sa Kabataan ng Payatas ay binuo at inorganisa ni Precious Hipolito Castelo, IBC-13 Express Balita News Anchor sa pama magitan ng Helping Hands Foundation.
Ayon kay Hipolito, magaganap ang exhibit sa Sept. 28, 2009 sa Congress Lobby ng House of Representatives sa Quezon City.
Hangad ng proyekto na makakalap ng pondo para sa pagtatayo ng day care center sa Payatas kung saan 50 porsiyento ng proceeds ay mapupunta sa mga artist samantalang ang natitirang kalahati ay gagamitin naman ng foundation para sa pagpapagawa ng paaralan.