MANILA, Philippines - Pag-aari ng cosmetic surgeon na si Dra. Vicki Belo ang computer hard drive na naunang nagla man ng mga sex video ng kasintahan niyang si Dr. Hayden Kho.
Ito ang inihayag kahapon ng abogado ni Belo sa mga mamamahayag sa isang forum sa Greenhills, San Juan kasabay ng pagsasabing nagmula sa condominum ng kanyang kliyente ang hard drive na ipinagkatiwala ng kanyang kliyente sa kaibigan nila ni Kho na si Erick Chua.
Si Chua ang inaakusahang nag-upload umano sa internet ng sex video nina Hayden at ng aktres na si Katrina Halili.
Nagkaroon ng usapan sina Belo at Chua na buburahin lang ang mga sex video sa naturang hard drive at walang ibang makakaalam.
May 40 sex video ang laman ng hard drive pero, ayon kay Tamano, apat na babae lang ang nakatalik ni Kho sa iba’t ibang pagkakataon.
Maging si Belo rin anya ay may sex video na kasama si Kho pero katuwaan lang ito ng magkasintahan at para lang sa sarili nila at plano nilang burahin ito kinalaunan.
Sinabi ni Tamano na sumobra ang tiwala ni Belo kay Chua dahil kaibigan nila ito ni Kho. “At dahil pinagkakatiwalaan ka, kung talagang disente kang tao, hindi mo gagawin iyon, buburahin mo, hindi dapat kopyahin,” sabi ni Tamano.
Nababahala rin si Belo na kakalat din sa internet at sa mga pirated DVD ang sex video nila ni Kho. (Danilo Garcia)