MANILA, Philippines - Bunga na rin ng mga naglalabasang political ads, umapela si Palo, Leyte Archbishop Jose Palma sa mga pulitiko na ilaan na lamang sa social services ang kanilang mga naglalakihang pondo kung saan mas marami ang makikinabang.
Ayon kay Palma, mas makakabuting i-convert na lamang ang mga pondo upang makatulong sa mga mahihirap.
Sinabi ni Palma, maituturing na pagwawaldas ng salapi ng ilang mga pulitiko na hindi ina-alinlangan ang nararanasang krisis sa ekonomiya.
Kasabay nito hiniling din ni Palma sa pamahalaan na ipatupad ang polisiya hinggil sa tamang paggastos ng political funds. (Doris Franche)