MANILA, Philippines - Tiniyak ng Department of Health na walang ki nalaman ang Ebola Reston Virus sa naramdamang pagkahilo at pagtaas ng presyon ng anim na miyembro ng depopulation team na nagsasagawa ng pagpatay sa 6,000 baboy sa isang hog farm sa Pandi, Bulacan.
Ang paniniyak ay ginawa ng DOH kasabay ng pahayag na ang pagkahilo ng anim na miyembro ng depopulation team noong Martes ay dala ng matinding sikat ng araw.
Napakainit din ng suot nilang personal protective equipment. Agad namang pinagpapahinga at kinukunan ng blood pressure ang mga miyembro ng team.
Sinabi ni Dr. Joy Gomez, tagapagsalita ng depopulation team, na umabot na sa 2,663 ang napatay na baboy base sa pinakahuling datos kahapon ng umaga.
Naging mabilis aniya ang proseso, dahil noon lamang Martes, ay nakapatay sila ng 1,426 na baboy. (Doris Franche)