Magkakaroon ng libreng medical at dental na serbisyo ang Air Material Wing Savings and Loan Association, Inc. (AMWSLAI) para sa lahat ng kanilang miyembro at hindi miyembro bilang pasasalamat sa kanilang walang sawang pagsuporta, pagtangkilik at katapatan sa nabanggit na asosasyon.
Ang nasabing medical mission ay isasagawa bukas (Nob. 23) sa bgy. hall ng Villamor Air Base, Pasay City simula alas-8 ng umaga hanggang 12 ng tanghali (para sa regular AMWSLAI members lamang) at mula 1-5 ng hapon para naman sa lahat ng military, civilian at publiko.
Ang mga libreng serbisyo na ipagkakaloob ay ang mga sumusunod: medical check-up at konsultasyon, check-up sa mata, gamit at bitamina, ECG para sa unang 40 pasyente, blood pressure check-up at pagbunot ng ngipin. Ang nasabing aktibidad ay sa pakikipagtulungan ng Rotary Club of Makati-Bel Air.