‘Magsuot ng helmet’

“Magsuot ng helmet, iligtas ang buhay!”

Ito ang isinusulong na “motorcycle safety first policy” ng pamahalaang lungsod ng Caloocan sa kampanya nitong panatiliin ang kaligtasan sa pagmo­ motorsiklo.  

Ayon kay Caloocan City Mayor Enrico “Recom” Echiverri, mula nang ma­hig­pit na pinatupad ng lokal na pamahalaan ang City Ordinance 0391 o Traffic Code, mahigit sa 180 ang nahulihang walang kauku­lang safety helmet ng Reformed Department of Public Safety and Traffic Management mula Enero hang­gang Hunyo ng taong ito. 

Sinabi ni Echiverri na mas malapit din sa sakuna ang mga nagmomotorsiklo dahil wala silang protek­syong gaya ng bakal na kaha ng mga sasakyang apat ang gulong.

Idinagdag pa ng alkalde na bagama’t mataas ang multang P500 para sa hindi pagsusuot ng helmet, maliit pa rin itong kabayaran kung isasaalang-alang natin ang buhay na maaaring mailig­tas sa pagsunod ng publiko sa mga umiiral na batas.  

Nitong nakaraang taon ay pina­kamarami ang na­matay sa pagmomotor na may katumbas na 122 motor­siklong naak­sidente sa Kalakhang May­nila. (Lordeth Bonilla)

Show comments