Ginawa lamang umanong sacrificial lamb ang isa sa mga guwardiya ng sangay ng Rizal Commercial Banking Corporation sa Cabuyao, Laguna na si Joel dela Cruz na isinangkot ng pulisya sa panghoholdap at pagpatay sa 10 tauhan ng banko noong nakaraang buwan.
Ito ang sumbat kahapon ng ina ni dela Cruz na si Carmencita na nagsabi pa na ginawang sacrificial lamb ang kanyang anak para may maipakitang performance sa imbestigasyon sa kaso ang Task Force RCBC.
Iginiit ng ginang sa isang radio interview na inosente ang kanyang anak at ang alam niya ay isa rin itong testigo sa krimen bukod sa nakabakasyon ito nang maganap ang panghoholdap. (Joy Cantos)