Tila nais ng bawiin ni Metropolitan Manila Development Authority (MMDA) chairman Bayani Fernando ang bansag na “Mr. Palengke” kay Senator Mar Roxas.
Tahasang ipinagmalaki kahapon ni Fernando na siya ang talagang orihinal na “Mr. Pa lengke” at nagmistulang replika na lamang ang naturang titulo kay Senator Roxas.
Matatandaan na ginamit ni Roxas ang titulong “Mr. Palengke” nang tumakbo sa pagka-senador kung saan umani ito ng maraming boto.
Ayon kay Fernando, mula pa sa kanyang pag kabata ay sa loob na ng palengke siya gumagala, kumakain at tumatambay kung kaya’t batid niya ang buhay ng mga maninindahan at namimili sa loob ng pamilihan.
Wala na umanong pulitiko sa kasalukuyan ang makakatalo sa kanya kung ang buhay sa palengke lamang ang pag-uusapan dahil simula sa pagkabata ay kabisado na niya ang pamumuhay sa loob ng mga pamilihan. (Rose Tamayo-Tesoro)