Inabsuwelto ng Turkish court ang isang Pinoy na kapitan ng barko at apat na tripulante nito kaugnay ng smuggling ng marijuana sa bansang Turkey noong nakalipas na Mayo.
Sa report na tinang gap ng Department of Foreign Affairs (DFA), walang matibay na ebidensyang naiharap laban sa mga akusadong sina Captain Reynaldo Derige, Second Officer Julio Cagampan, Chief Engr. Othoniel Bungalso, Chief Officer Alberto Jose at Bosun Franciscio Pontillas. Sinabi ni Guinomla na pi nakiusapan na niya si Gng. Ana Maria Cristina Oben-Nazareno, vice president ng Wallem Maritime Services Inc na tumulong sa pagpapabalik sa bansa kina Captain Derige at sa mga tripulante nito na kasalukuyang nasa Istanbul.
Ang kaso laban kina Derige at mga tripulante nito ay nag-ugat sa pagkakadiskubre ng mga marijuana sa loob ng isang metal na container na nakitang nakatago sa ilalim ng barkong Federal Fuji sa search operation ng mga awtoridad sa Turkey noong nakaraang Mayo.
Nasamsam ang mga marijuana matapos na dumaong sa Turkey ang barko noong Mayo 11.
Si Derige ang nagreport sa mga awtoridad sa pagkakadiskubre sa kahina-hinalang container na inabandona sa nasabing barko kung saan ay ang nasabing mga Pinoy pa ang nakasuhan. (Joy Cantos)