Ito ang kinuwestyon kamakailan ni Taguig Sangguniang Panlunsod minority floorleader Noel Dizon na nagsabing dapat ipaliwanag ni Mayor Freddie Tinga kung saan napunta ang naturang pondo dahil wala naman anyang nahahakot na basura sa lunsod bukod sa baon na ito sa utang.
Bukod anya kay Tinga, dapat ring magpaliwanag sina Vice-Mayor George Elias, at dating mga konsehal at ngayon ay tumatakbong congressman na sina Jun Duenas at Arnel Mendiola Cerafica dahil kasabwat umano sila sa nasabing alingasngas.
Pinuna ni Dizon na kaduda-duda ang pagbigay ng konseho ng blanket authority kay Tinga para sa paggamit ng pondo dahil tumatakbo itong muli sa pagka-alkalde ng lungsod. Si Elias ay humihingi rin ng isa pang termino sa pagka-Bise-Mayor.
Nilinaw ni Dizon na walang bahid pulitika ang pagkuwestiyon niya sa naturang pondo dahil hindi siya kumakandidato ngayon. (Butch Quejada)