Sa per curiam decision ng SC, sinibak sa tungkulin si CA Justice Elvi John Asuncion dahil sa hindi kaagad pag-aksyon sa tamang panahon na itinakda ng Konstitusyon sa mga naka-pending na motion for reconsiderations sa kanyang sala.
Napag-alaman na mayroong 72 apelang nakabinbin at 82 kasong nakabitin sa sala ni Asuncion. In-extend din nito ng isang taon ang TRO na dapat ay 60 days lamang.
Dahil pangalawang pagkakataon na ito ay ipinataw na ng SC ang maximum penalty dito na pagkasibak sa tungkulin. Tinanggal din ang retirement benefits ng mahistrado.
Si Asuncion ang pangalawang mahistrado sa CA na natanggal sa serbisyo. Una sa kanya si CA Justice Demetrio Demetria dahil sa paglabag nito sa Code of Judicial Conduct ng makialam umano sa kaso ni Yu Yuk Lai sa Department of Justice. (Rudy Andal)