Sa kanyang pagharap sa mga estudyante at magulang ng Malvar National High School sa Bacoor, ipinakilala si Aquino ni Cavite Rep. Joseph Emilio "Jun" Abaya, bilang ex-boyfriend nina ABS-CBN Channel 2 broadcaster Bernadette Sembrano at Korina Sanchez.
Katulad nina Sembrano at Sanchez na wala pa ring asawa, nanatiling single si Noynoy at nag-iisang binata na kumakandidato sa pagka-senador sa ilalim ng Grand Coalition ng United Opposition (UNO).
Pero aminado naman si Noynoy na maganda ang naging wakas ng kanyang pakikipag-relasyon kina Sanchez at Sembrano dahil napanatili nila ang kanilang pagkakaibigan.
"Maaaring nabigo ako sa pag-ibig, pero ang kagandahan na man ay nanatili kaming mga magka kaibigan," pahayag ng mambabatas.
Dumalo si Noynoy sa imbitasyon ni Abaya matapos mamigay ng scholarhip sa 2,500 estudyante. (Malou Escudero)