Ayon kay PNP Chief, Director General Oscar Calderon, ang mga naisyuhan ng General Orders para maitaas sa susunod na antas para maging 2 Star General ay sina Police Director Edgardo Doromal, Director of the Criminal Investigation & Detection Group.
Promoted naman sa ranggong Chief Superintendent (1 Star General) sina Chief Supt. Romeo Hilomen, Director ng Police Security and Protection Office; Chief Supt. Perfecto Palad, Deputy Regional Director for Administration, PRO-3; Chief Supt. Maximo Calimlim, Deputy Regional Director for Administration, PRO-MIMA ROPA; Chief Supt. Ramon Gatan, Deputy Regional Director for Administration, PRO-12.
Sina Superintendent Romeo Uy, Group Director ng 3d Regional Mobile Group sa Central Luzon ay napromote sa ranggong Police Senior Superintendent.
Noong Biyernes, pormal na pinangunahan ni Calderon ang panunumpa sa tungkulin ni Hilomen, habang kasagsagan ang 12th ASEAN Summit security operations ng PSPO bilang mga close-in security sa mga delegado.
Itatakda na lamang ni Calderon ang araw naman ng panunumpa ng iba pang police officials. (Angie dela Cruz)