Sinabi ni Mr. Pablo Planas, isang dating jeepney operator at mekaniko, ang kanyang desisyon na hindi ipagbili ang Khaos Super Gas Saver sa dayuhan ay tama. "Kung tinanggap ko ang alok noon ay sana malalaking bansa lamang ang nakikinabang sa naging imbensiyon at hindi mga Filipino," ani Planas. "Nais ko kasi ang ating bansa at kapwa ko Filipino ang unang makinabang sa aking imbensiyon," dagdag pa niya.
Unang inalok si Planas ng milyun-milyong dolyar kapalit ng pangalan ng kanyang imbensiyon ng isang multi-national company sa ibang bansa ngunit ito ay kanyang tinanggihan.
Sa kasalukuyan, mayroong 54 dealers at distributors ang Inventionhaus International Corp. (IIC) na matatagpuan sa President Tower, #81 Timog Ave., QC, ang nag-iisang gumagawa at nagbebenta ng Khaos sa buong Pilipinas.
Samantala, ang dealers at distributors ng IIC sa ibang bansa ay Australia, Bahrain, Indonesia, Korea, South Africa, Saudi Arabia, Marina’s Islands, Kuwait, Qatar, Iran, Iraq, Pakistan, Djibouti, Ethiopia, Kenya, Oman, Sudan, United Arab Emirates (UAE), Yemen, China at USA.
Ang Khaos ay nagbibigay ng 50 porsiyentong tipid sa konsumo ng gasoline at proteksiyon sa kapaligiran dahil sa pagsupil nito sa carbon monoxide mula sa makina ng sasakyan.