Dagdag insurance sa PUV’s

Magkakaroon ng dagdag na benepisyo ang mga pasahero at mga taong nabibiktima ng vehicular accident sa ipapatupad na Enhanced Compulsary Third Party Liability para sa mga Public Utility Vehicles (PUV’s).

Inatasan ni LTO chief Arneli Lontoc ang lahat ng regional directors para ipatupad agad ang ECTPL o dagdag na insurance benefits para sa mga PUV’s.

Inaprubahan ng Insurance Commission ang pagpapatupad ng ECTPL coverage para sa mga PUV’s na magbibigay dagdag na benepisyo sa mga pasahero at biktima ng vehicular accident.

Ang UCPB General Insurance Company at Stronghold Insurance Company ang eksklusibong magkakaloob ng dagdag na benepisyo habang pinagkalooban naman ng authorization ang Philippine Accident Managers Inc. at Universal Transport Solutions Inc. para mag-isyu ng centificate of insurance para sa mga PUV’s. (Angie dela Cruz)