Sinabi ni Sen. Gordon nang maging guest speaker ito sa Gaming and Entertainment Plus Leisure Expo 2006 sa World Trade Center na dinaluhan ng mga foreign investors sa larangan ng tourism at gaming industry na siya mismo ang magsusulong upang maaprubahan ang panibagong 25-year franchise ng PAGCOR.
Hiniling naman ni Gordon kay PAGCOR chairman Efraim Genuino na asikasuhin na nito ang pagtatayo ng Entertainment City Manila sa reclaimed land ng Roxas Blvd at Manila bay na isang multi-themed complex na may 5-star hotel, casinos, shopping malls, amusement parks, cultural facilities at sports stadium. Ayon kay Genuino, ang proyektong ito ay inaasahang may initial investment na $2 bilyon-$3 bilyon mula sa Amerika.
"We need jobs, we need investments. We need foreign exchange. Genuino get it done. I will get your law done," wika pa ni Gordon. (Rudy Andal)