Ayon kay Executive Secretary Eduardo Ermita, wala siyang impormasyon kung totoo ngang nagpunta ang dating presidente sa Catholic Bishops Conference of the Philippines (CBCP). Gayunman, kung sakaling nangyari nga ito, inirerespeto ng Palasyo ang paninindigan ni Mrs. Aquino.
"Irespeto na lang natin ang posisyon ni Pangulong Aquino, pero sa palagay ko naman, may sariling pag-iisip ang mga obispo katulad ng nangyari matapos ang July 13 na sa pag-aakala nila ang stand ng mga obispo ay katulad ng stand ng mga bumabatikos kay Presidente," ani Ermita.
Sinabi pa ni Ermita na matatalino ang mga obispo na tinatawag na Prince of the Church at sila ang magpapasya kung ano talaga ang tama sa sitwasyong ito. (LATolentino)