Sa anim na pahinang resolution ni Asst. City Prosecutor Joseph Guevarra, bukod kay Catherine, treasurer ng pawnshop, kabilang din sa sinampahan ng kaso ang ina nito at pawnshop chief cashier na si Corazon, manager Claire Songco-Pique, at asst. cashier at appraiser Teresa Gallego.
Kaagad namang nagpalabas ng warrant of arrest si RTC Branch 39 Judge Noli Diaz at posibleng maisampa na ang kaso dahil sa umano’y pagnanakaw ng P3,497,367.03 na halaga ng mga alahas at pera mula sa C.B Songco pawnshop na nasa 475-477 Quezon Blvd. Quiapo, Manila.
Ang naturang pawnshop ay pag-aari ni Ambassador Cabangon-Chua na dating live-in partner ni Catherine Songco.
Itinakda ng Korte ang P40,000 bilang piyansa para sa pansamantalang paglaya ng mga akusado. (Ulat ni Gemma Amargo)