Ito’y bunsod ng umiinit na isyu ng pulitika sa bansa matapos na magdeklara na rin ng kanyang ambisyong tumakbo sa pampanguluhan si action king Fernando Poe Jr.
Ayon kay PNP-Deputy Directorate for Police Community Relations Director Ricardo de Leon, kapag ipinatupad ang gun ban ay mapapawalang bisa ang lahat ng mga inisyung Permit to Carry Firearms Outside Residence (PTCFOR) na ipinalabas ng Office of the Chief PNP Secretariat.
Ayon kay de Leon, para makapagdala ng armas ay kailangang kumuha muna ang sinuman ng exemption sa Comelec na iniisyu lamang kapag may mga pagbabanta sa kanilang buhay.
Iginiit ni de Leon na hindi rin "exempted" sa pagdadala ng baril ang mga kagawad ng pulisya at maging ang mga sundalo maliban na lamang kung nasa duty ang mga ito at deputado ng naturang komisyon.
Kinakailangan ring magsumite ang bawat unit ng PNP masterlist nito sa Comelec para sa mga itatalagang deputado ng nasabing komisyon mula sa kanilang hanay.
Ang gun ban ay tatagal hanggang Hunyo 2004 kapag naideklara na ang mga nagwaging kandidato. (Ulat ni Joy Cantos)