Sa 19 pahinang CA 5th division, binaligtad ng Appelate Court ang naunang hatol ng Ombudsman na abswelto sa kasong administratibo sina Buenaventura natapos na pinabayaan nitong magsarado ang ilang mga bangko dahil sa pagkalugi.
Base sa nasabing desisyon kasamang parurusahan ang mga BSP officials na sina Alberto Reyes, Ma. Dolores B. Yuvienco, Candon Guerero at Tomas Ave. Jr.
Nag-ugat ang kaso laban sa kampo ni Bueneventura matapos kasuhan sa Ombudsman ng dating presidente at director ng Urban Bank Inc. (UBI), Urbancorp Development Bank (UDB) at Investments, Inc. (UII) na si Teodoro Borlongan.
Kinasuhan ni Borlongan ang mga nasabing opisyal ng paglabag sa Republic Act 6213 at 7653 o paglabag sa Code of Conduct and Ethical Standard for Public Officials dahil sa umano’y pagsasabwatan upang mapasara ang kanilang mga bangko at paglalagay ng pangangasiwa dito sa ilalim ng Philippine Insurance Deposit Company (PDIC) noong Abril, 28, 2000 ng walang due process.
Ikinatwiran naman ng BSP nag-alok sila ng tulong pinansiyal sa nasabing bangko subalit hindi umano sapat ang collateral capability ng nasabing bangko para mabigyan ng financial assistance.
Sinabi ng CA sa halip na tulungan ng BSP bilang government institution na siyang tumutulong sa mga naluluging bangko, ay agad pang inutusan nito na magsara na lang. (Ulat ni Grace dela Cruz)