Pinoy nurse sa London natagpuang patay

Isang Pilipino nurse ang natagpuang patay sa kanyang tirahan sa London. Sa ulat ng Malacañang, kinilala ni Labor Secretary Patricia Sto. Tomas ang biktimang si Joel Guillermo, 26, na ang bangkay ay nadiskubre noong Abril 26. Si Guillermo ay nagtatrabaho bilang nurse sa Sunderland Royal Hospital sa Northumbria simula pa noong June 29, 2001. Batay sa resulta ng awtopsiya ay wala namang nakitang ebidensiya na nagkaroon ng foul play. Ang labi ni Guillermo ay iuuwi na sa kanilang lalawigan sa Isabela. (Ulat ni Ely Saludar)