Kahapon ay nakipagkita kay Foreign Affairs Secretary Blas Ople sina Ambassador Robert Collete ng Canada, Ambassador Ruth Pearce ng Australia at Ambassador Johannes de Kok ng European Commission upang impormahan ang kalihim ng kanilang pagbubukas.
Sa naturang miting, sinabi ng tatlong ambassadors kay Ople na bumalik na sa "full operations" ang kanilang mga tanggapan. Una nang nagbukas ang European Union noong Disyembre 20 at ang Canadian Embassy noong Dis. 30.
Muling idiniin ng tatlong ambassador na kapani-paniwala ang banta sa kanila kaya sila napilitang magsara, subalit kuntento na sila ngayon sa ibinibigay na seguridad ng pamahalaan matapos na magdagdag ng mga tauhan ng PNP at Phil. Marines sa paligid ng kani-kanilang tanggapan. (Ulat ni Ellen Fernando)