Nakilala ang mga nasawi sa mga pangalang Akmad, Latip, Talipa at Angga samantala sa pitong nasugatang bandido ay isa ang nakilalang si Mustapa Abdullah alyas Boy Wong.
Unang naganap ang engkuwentro dakong alas-9 kamakalawa ng gabi sa Fuente Igas, Bgy. Masola, Isabela kung saan isang running gunbattle ang naganap sa pagitan ng mga bandido at elemento ng 103rd Brigade ng Army.
Kahapon ng umaga sa isang military checkpoint sa Bgy. Mabaracat, Isabela ay nakipagbarilan pa umano si Wong matapos itong mahuli sakay ng pedicab.
Kinumpirma ni Basilan PNP provincial director Col. Akmadul Pangambayan na si Wong ay isang ransom courier at supplier ng shabu, pagkain at iba pang pangangailangan ng Abu Sayyaf sa Basilan at intelligence officer din ng naturang grupo. Dati umano itong Kristiyano na nagpabinyag sa relihiyong Islam. "Nagpanggap siyang pedicab driver para hindi mahalata. Matagal na namin siyang sinusubaybayan dahil nasa PNP Order of Battle (OB) siya," wika ni Col. Pangambayan. (Ulat nina Joy Cantos at Rose Tamayo)