CEBU, Philippines — Nipanaw niadtong Sabado sa buntag ang inila nga direktor nga si Floy Quintos ug gianunsyo kini sa usa sa sakop sa iyang pamilya nga si Celina Quintos pinaagi sa Facebook post.
Suma pa nga heart attack ang gikamatyan sa direktor. "It is with the heaviest of hearts that I, on behalf of my family, announce that Floy Quintos, esteemed playwright and director, but more importantly beloved brother, son, uncle, cousin, nephew, and friend, has returned to the arms of the Lord," post pa ni Celina.
Si Floy ang direktor kaniadto sa GMA-7 showbiz-oriented talk show nga Startalk.
Siya pud ang nagsulat sa script sa pelikulang Wating; Darna: Ang Pagbabalik; ug Koronang Itim.