Pasok sa FPJ's: Batang Quiapo si Lorna Tolentino. Labihan ang kalipay niya sanglit kaniadto pa lamang paghuman sa Ang Probinsyano diin nilada siya sa karakter nga Lily, namahayag na siya nga kun makaangkon og laing kahigayonan nga makatrabaho pagbalik si Coco Martin ug ang tibuok production team, dili gyud kini niya balibaran sanglit nabatyagan gyud niya nga gihatagan og importansya ang mga senior stars sama niya.
Nagdumili pagtug-an si Lorna unsa iyang role pero dako matud pa kini'g kalainan sa iyang karakter sauna nga Lily. Nag-meeting na siya ug ang mga direktors alang sa gitakda na niyang paglugwa sa maong ABS-CBN teleserye kansang pilot week nakaangkon og 44 million views.