Niadtong Huwebes, nagpanic gyud ang mga tawo. Natarantar ba. Nagkabuang og pamalit og kunsomo, naghugop sa mga terminal kay mamauli, nilinya for relief goods. Walay social distancing nga gituman ug gipatuman. Paet. Nabalaka sila kay lockdown na matud pa.
Sa pagsuwat nato niining lindog, enhanced community quarantine raman ang gipahibawo sa Cebu City. Ang Cebu Province, mupatuman sab og enhanced community quarantine. Apan nahadlok gyud ang publiko. Nalisang. DILI LOCKDOWN. EnhancedCommunity Quarantine (ECQ) lang.
Muingon ko og lang, kay walay rason nga magpanic kita bisan pa man og aduna nay ECQ. Abli gihapon ang mga supermarket ug grocery stores, hasta pharmacies, apil pa banks. Also, limitahan man ang ibaligya ngadto matag customer, adunay anti-hoarding law.
Makagawas gihapon ang representante sa matag balay aron makapamalit og kinahanglanon sama sa pagkaon. Ang problema lang kay suspendido ang transport system. So mamalit ka, diha ra gyud sa duol. But for sure, mangita gyud na'g paagi inyong LGU diha aron dili mo malunusan. Like in Lapu-Lapu, padad-an og bus nga masakyan ang matag barangay aron makapangompra ilang mga residente pinasubay sa schedule.
Chill lang gyud mo diha. Kay kanang matarantar mao hinuon nay madisgrasya og dali. Ayaw mo'g tuo anang mga post kun dili iya or gikan sa kasaligan nga tinubdan. Dapat legit media page inyong i-follow ug i-share. Official pages sa inyong LGU. Kay kanang hatud-hatud nga istorya. makabuang.
Also, magpabilin na lang gyud kita kun hain kita mahimutang, dili na mamauli sa atong tagsa-tagsa ka probinsya ug mga lungsod bisan pa kun adunay kahigayonan. Peligro na.
Kay kita tanan, wala ta kahibawo nataptan na ba ta anang Covid19, kay wala bayay mass testing. So what if, kanangmamauli padung sa ilang probinsya, unknowingly, nataptan nana, so manakod na didto's ilang pamilya. Mu-spread further ang virus.
As much as possible, magpuyo na lang gyud ta kun hain na ta karon nahimutang. Dili nata muadto og laing dapit. Besides, itis impractical to go home to the province now kay i-quarantine naman sab ta, dili na ta makauli gyud sa atong balay.
Maong kamo diha kun mahimo, ayaw na mo'g pamauli. Pabilin na lang mo hain mo karon nahimutang. Kay kun mamauli mo, mas taas ang risgo nga ma-spread ninyo ang virus. And also, dili gihapon mo makadiretso sa inyohang pamilya.
Pagpuyo ra gyud mo sa balay. Panglimpyo kanunay. Pahuway og tarong. Panghunaw kanunay sa imong mga kamot. Kaon og prutas ug utan. Inom og daghang Vitamin C. Pag-ampo. Tuo nga kitang tanan dili tugotan sa Ginoo nga maalaot.
Havea blessed Sunday, dear okRYANians!