Dasig nga Domingo mga BisChikadora! Karong adlawa kay ang Feast of Immaculate Concepcion. Mao nga kitang tanan dili makalimot og simba. Magpasalamat ni Mama Maria sa mga grasya nga atong nadawat. Amen!
Sa laing bahin, tungod kay nagkaduol na ang Pasko, dili pa lang dugay, gibuksan na ang Boom na Boom sa Sugbo The Carnival diha sa may dakong hawanan South Road Properties. Very affordable kay P25. 00 lang, ang entrance fee. Daghan pud nga mga pagkaon ang mahimong kapilian, naay mga dry goods, plus you will enjoy the beautiful music every night. Sa pagbukas sa Boom na Boom sa Sugbo, bisita ang atong pinalanggang amahan sa Dakbayan sa Sugbo nga si si Mayor Eduardo Labella nga usa sa mga nag- cut sa ribbon kauban si Ms. Karla Kintanar - Fernandez. Dili maguol kay ang Boom na Boom sa Sugbo hangtud kini karong January 19, 2020. Pinaagi ni Beshie Jaypee nahimo kitang host sa maong event.
Para sa atong Kinsa Siya??? Perteng guola sa grupo sa local performers kay tungod kay gi-cancel ang booking. Ang BisChika pa sa atong KSI, (Kinsa Siya Insider), ready na sila para sa ilang raket sa usa ka event on a certain barangay. Costume - ok, line-up sa performance, transpo - ok pero kalit lang naka-receive og dili nindot nga text ang usa ka performer. Sa iyang pagbasa sa mensahe nahugno ang iyang kalibutan. Hahahahha! Kalibutan gyud??? Nga dili madayon ang maong raket tungod kay adunay nagpugong niini. Kinsa siyaaaaaaaa???? Ang mga performers kay ang mga yads department, samtang ang nipugong kay usa ka alagad sa simbahan. Naluoy ko sa mga yads, wala silay dautang intention. kay ang ilaha kay makahatag og kalingawan sa katawhan. Asa na ang hustisya????