CEBU, Philippines — Si Giannis Antetokounmpo mipabuto og 32 puntos samtang si Damian Lillard midugang og 25 puntos sa dihang gipasukarap sa Milwaukee Bucks ang Atlanta Hawks, 110-102, kagahapon didto sa T-Mobile Arena ss Las Vegas aron pag-angkon og luna sa NBA Cup finals.
Sa kinatibuk-an, ang Bucks nagkupot na og 11-1 nga baraha sa NBA Cup. Ang bugtong nilang pilde ilang natilawan sa semis sa miaging tuig.
Sa kampiyonato, ang Bucks mosakbang sa Oklahoma City Thunder, nga miabante human giugbok ang Houston Rockets, 111-96.
Ang Thunder gipangulohan ni Shai Gilgeous-Alexander nga mipatuasik og 32 puntos.
Dako sab og natampo sila si Isaiah Hartenstein, Jalen Williams ug Lu Dort nga nagkumboya's 60 puntos alang sa Thunder.
Si Amen Thompson mihipos og 19 puntos sa pilderong Rockets.