CEBU, Philippines — Si Bronny James, ang 20 anyos nga anak ni NBA superstar LeBron James, gibalhin sa Los Angeles Lakers ngadto sa ilang G-League developmental team.
Tungod niini, temporaryong magkabuwag sila si LeBron ug Bronny.
Nakahimo na hinoon sila og kasaysayan sa NBA isip labing unang amahan ug anak nga nagka-uban og duwa sa usa ka team niadtong Oktubre 22 diin gibuntog sa Lakers ang Minnesota Timberwolves didtoi sa ilang korte.
Si Bronny naka-iskor sa una niyang NBA basket atol sa 134-110 nilang kapildihan batok sa Cleveland Cavaliers niadtong Oktubre 30.
Sa kinatibuk-an ning season, si Broony nakaduwa sa Lakers sud sa upat ka higayon.
Magpabilin pa siya sa Lakers atol sa ilang home game batok sa Philadelphia 76ers karong adlawa.
Si Bronny gikatakda nga mo-debut uban sa South Bay Lakers sa G-League karong Domingo.