CEBU, Philippines — Ang mga pambato sa Pilipinas nga sila si Neshty Petecio ug Aira Villegas segurado nang makabitbit og duha ka bronze medals human sila mi-abante sa women's boxing sa Paris Olympics 2024.
Si Petecio mipukan ni Zichun Xu sa China pinaagi sa unanimous decision sa ilang 57kg quarterfinal match.
Tulo ka mga judges ang mi-iskor og 30-27 samtang ang laing duha mitali og 29-28 pabot tanan alang ni Petecio.
Sa semis, si Petecio makigsinukmagay ni Julia Szeremeta sa Poland, nga mitagak ni Ashleyann Lozada Motta sa Puerto Rico.
Mag-abot sila sa alas 3:46 sa kaadlawon karong Agosto 8.
Sama ni Petecio, si Villegas garantisado na sab og bronze human siya nakaipsot batok ni Wassilia Lkhadiri sa host France pinaagi sa split decision aron pag-abante sa women’s 50kg semifinals.
Harongon ni Villegas si Buse Cakiroglu sa Turkey sa Final 4 diin ang modaog segruado nang makasamit og silver medal.