CEBU, Philippines — Ang mga sakop sa Dancesport Team Cebu City nanghawod na sab, ning higayona sa Philippine Superstar Open Dancesport Championship 2024 didto sa Philsports Arena sa dakbayan sa Pasig ning bag-ohay pa lamang.
Ang DTCC mitapos sa ilang kampanya sa duha ka adlaw nga aksiyon uban ang kinatibuk-ang 13 ka medalya nga gibahin-bahin ngadto sa lima ka golds, unom ka silver, ug duha ka broze.
Sila si Eleanor Hayco ug Lloyd Bartolini mibira og gold alang sa DTCC sa combined age category ingon man silang John Lloyd Leyson ug Ouie Selene Rendon (Under 21 Latin), Kharl Michael Mi oza ug Ashley Cullo (Youth A Latin), Andrew Ysla ug Noelyn Mie Pedrano (Grade A Latin), ug Marlon Alino ug Lucy Hamilton (Special event 2C Standard).
Ang mga silver medalists naglangkob nilang Rodreyan Rodriguez ug Arianne Generalao (Youth C), Lark Jabonero ug Carrie Samson (Grade B ug Special event 1C), Eleanor Hayco ug Anselmo Estillore (Senior 1A), Rhyss Rhafael Fajardo ug Shadelle Ni a Hernandez (Youth Latin A), ug Rhyss Rhafael Fajardo ug Shadelle Ni a Hernandez (Youth A Standard).
Samtang sila si Kharl Michael Mi oza ug Ashley Cullo midonar og bronze sa Under 21 Latin ug Wilbert Aunzo ug Pearl Marie Ca eda sa Grade A Latin.