CEBU, Philippines — Si Portland Damian Lillard milangkat sa kadaugan sa gipahigayong Three-Point samtang ang wala kaayo ilhing si Mac McClung maoy say nakakuha sa korona sa Slam Dunk atol sa NBA All-Star Game weekend festivities.
Ang seven-time NBA All-Star player nga si Lillard, nga sakop sa US Tokyo Olympic gold medal team, star player sa ilang tunghaan sa dihang kini nagtungha pa kini sa Weber State, nagmaya og maayo sa kadaugan sa long-range shootout sa iyang ikatulong pagsuway.
“It makes it that much more special,” matud pang Lillard. “They say the third time is the charm and I’m happy that it happened here. It’s a perfect situation. I’m happy I could do it in my homecoming here to Utah.”
Si Lillard naapil na sa hanay sa mga nangaging 3-point champions sama nilang Larry Bird, Ray Allen, Paul Pierce, Dirk Nowitzki, Kyrie Irving, Stephen Curry ug Klay Thompson.
Apan ang labing makakurat mao ang Slam Dunk contest sa dihang si McClung, kinsa bag-ohay pang gikuha sa Philadelphia 76ers sayo ning semanaha gikan sa G-League, maoy nakakuha sa korona sa slum dunk contest pinaagi sa iyang perpektong iskor sa final.
“It’s great. I’m truly blessed and grateful to the NBA for giving me this opportunity,” matud pang McClung. “I don’t get surprised by things like this but I’m very appreciative.”
Ang 6-foot-2 (1.88m) guard nga lumad nga taga Virginia kaupat palang ka higayon nga nakaduwa sa NBA, apan sa dihang nagtungha pa siya sa high school kaniadto, nailhan na siya sa iyang pagkamaayong mo dunk.
Human niya nadawat ang tropeyo gikan kang Julius Irving, si McLung namahayag nga iyang depensahan ang korona, saad nga pipila lang ka NBA stars ang nakahimo.
“If you’ll have me I’ll be back,” matud pang McClung.
Ang pangalang McClung maapil na unya sa panid sa kasaysayan sa dunk champions sa NBA kauban nilang Michael Jordan, Dominique Wilkins, Vince Carter ug anhing Kobe Bryant. —IBM