CEBU, Philippines — Si four-time All-Star Kemba Walker ug ang New York Knicks nagkasinabot nga dili na paduwaon pa si Walker sa nahibiling bahin ning NBA season.
Ang 31-anyos nga si Walker mi-average og 11.6 puntos, 3.5 assists ug 3.0 rebounds sud sa 37 ka duwa uban sa Knicks ning season.
Ang presidente sa Knicks nga si Leon Rose nagkanayon nga nagka-uyon sila ni Walker nga dili na lang kini motiwas og duwa aron makapangandam kini og maayo alang sa 2022-23 season.
"We fully support Kemba's decision to shut it down for the remainder of the season and to use this time to prepare for next season," dason pa ni Rose. "His long-term success on the court remains our priority."
Si Walker anaa karon sa katapusang tuig sa iyang kontrata sa Knicks, nga nasagunsonan og tulo ka pilde ug nahimutang sa ika-12 nga puwesto sa Eastern Conference bitbit ang 25-34 record.