CEBU, Philippines — Mapalta na sab og duwa si Bradley Beal uban sa Washington Wizards gumikan sa piang nga iyang naangkon atol sa ilang 133-132 nga kadaogan sa overtime batok sa Indiana Pacers.
Si Beal nga miburak og 50 puntos batok sa Pacers, wala niduwa sa ilang pakighagwa sa Atlanta Hawks kagahapon diin sila nabihag sa iskor nga 124-125. Dili sab siya makapakita'g aksiyon sa ilang pag-host sa Cleveland Cavaliers karong Sabado.
Si Beal ni-average og 31.4 puntos karon nga season, sunod ni Golden State Warriors guard Stephen Curry, kinsa mo-average og 31.9 matag duwa. Sila si Beal ug Curry karibal alang sa NBA scoring title. Si Beal ikaduha sa miaging season ngadto ni James Harden.
Mitamla si Beal og 25 puntos sa 71 sa iyang katapusang 82 ka mga duwa, mitala siya og dili momenos 40 puntos sa walo ka duwa niini nga season. Ang 32-37 nga Wizards nitungtong sa ika-10 nga dapit sa Eastern Conference standing.