CEBU, Philippines — Ang rookie point guard nga si LaMelo Ball nahimong labing bata nga magduduwa sa kasaysayan sa NBA nga miiskor og 'triple-double.'
Si Ball mirehistro og 22 puntos, 12 ka rebounds ug 11 ka assists aron tabangan ang Charlotte Hornets pagbihag sa Atlanta Hawks, 113-105 alang sa ilang ikatulong sunod-sunod nga daog kagahapon didto sa Charlotte. Ang 19-anyos nga rookie mihimo og kasaysayan duha ka gabii human napakyas pagkulit sa iyang unang 'triple-double' dihang mitapos siya uban ang 12 puntos, 10 ka rebounds ug siyam ka assists sa ilang kadaogan batok sa New Orleans Pelicans, ang koponan sa iyang igsuon nga si Lonzo. Gipulihan ni Ball si Markelle Fultz isip kinabataan nga NBA player nga mirehistro og triple-double sud lang sa 177 ka adlaw.