CEBU, Philippines — Ang eksperimento ni Al Horford milanat og usa lamang ka season sa Philadelphia Sixers.
Kini human ang 76ers misugot nga i-trade si Horford ngadto sa Oklahoma City Thunder hulip ni Danny Green.
Gawas ni Green, ipadala sab sa Thunder si Terrance Ferguson ngadto sa Philadelphia.
Nakuha sa Thunder si Green gikan sa Los Angeles Lakers pinaagi sa trade nga naghatod ni Dennis Schroder ngadto sa LA. Ang pag-trade sa 34-anyos nga si Horford maoy labing unang dako nga lakang nga gibuhat ni Daryl Morey isip presidente sa basketball operations sa 76ers.
Sa miaging season, si Horford mipirma og upat ka tuig nga kontrata nga mibalor og $109 million uban sa 76rs, apan wala mosalir ang kombinasyon nilang Joel Embiid.