CEBU, Philippines — Ang wa'y pildeng super flyweight contender nga si Kevin Jake 'KJ' Cataraja nakakaplag og bag-ong kasandigan sa iyang karera human siya mipirma og kontrata uban sa Sanman Promotions ug ZIP management.
Matud pa ni Sanmam CEO Jim Claude 'JC' Manangquil nga dako kaayo nilang garbo ang pagtaak ni Cataraja sa ilang poder. Ang 25-anyos nga si Cataraja maoy ikaupat nga boksidor gikan sa naniradong ALA Gym nga mitapon sa Sanman stable sunod nilang WBC No.1 minimumweight contender Melvin 'El Gringo' Jerusalem, Jeo Santisima ug Esneth Domingo.
Si Cataraja nagkupot og perpektong 11-0 record diin siyam sa iyang mga biktima iyang gipalukapa.