CEBU, Philippines — Ang mga NBA players makadawat sa tibuok nilang suweldo karong Abril 15, apan lahi na ang mahitabo human niini.
Kini gumikan kay lagmit makaltasan man og dako ang binulan nilang suholan kon magpabiling sirado ang liga gumikan niining coronavirus pandemic.
Segun sa nalatid sa kasabotan sa NBA ug sa NBA Players Association, ang liga dunay gahum pagpakunhod sa suweldo sa mga players kon ugaling mahunong ang mga duwa gumikan nga puwersa sa kinaiyahan sama sa nahitabo karon.
Kon ugaling makanselar ang season, hayan nga kuhaan og 25 porsiyento ang nahibiling suholan sa mga players.
Sa iyang bahin, si NBA commissioner Adam Silver nagkanayon nga ang liga mopakanaog og desisyon sunod bulan kon unsay sunod nilang lakang ug labing maayong pagabuhaton taliwala sa giatubang nga krisis karon.