CEBU, Philippines – Gitug-an ni Los Angeles Clippers star player Kawhi Leonard nga nagpanagana na siya nga mosakay og helicopter isip transportasyon sa iyang mga duwa ug mga practice gikan sa California ngadto sa ubang dapit.
Ang reigning finals MVP nga si Kawhi nga grabeng nagbangutan sa kamatayon ni Lakers legend Kobe Bryant, miangkon nga suki siya sa pagsakay sa helicopter ug susama sila og piloto ni Bryant nga si Ara Zobayan, kinsa usa sa nakalas sa pagkahagsa sa helicopter.
Si Bryant nagpuyo sa sa San Diego, silingang dapit sa Los Angeles ug aron madali, gigamit niya ang pagsakay sa helicopter isip transportasyon.
Si Leonard mipadayag sa grabe niyang kaguol sa kamatayon ni Bryant ug sa anak niini nga si Gianna ug uban pang sakop sa high school team sa iyang anak.
Giisip ni Leonard nga usa ka maguwang si Bryant nga usa sa iyang gipangayoan og tambag dihang padulong pa siya mohukom kon asa nga NBA team mobalhin karon nga season human mibiya sa Toronto Raptors.
Paborito sab ni Leonard ang Mamba Basketball Academy ni Bryant.