CEBU, Philippines – Nagtuo si Meralco Bolts import Allen Durham nga nakahimo og sayop ang PBA referees dihang wala tawgi ang gituohan niya nga foul ni Barangay Ginebra forward Japeth Aguilar ngadto kaniya atol sa Game-1 sa ilang best-of-seven finals series niadtong Martes sa gabii didto sa Smart Araneta Coliseum.
Nasayran, nga krusyal ang maong play dihang midarok si Durham sa ring sa katapusang 11 segundos sa duwa, apan natapalan ni Aguilar ang bola. Krusyal ang maong tapal tungod kay may kahigayonan unta si Durham nga itabla ang iskor. Ang Ginebra labaw og dos puntos sa iskor nga 89-87.
Si Durham miingon nga angayan nga tawgan og foul tungod kay gikabyonan siya ni Aguilar.
Giklaro ni Durham nga wala na siya'y plano nga pangusgan ang protesta ug mamawi na lang sila sa sunod duwa.
Si Durham miiskor og 25 puntos sa Game-1.