Waiters gisuspenso na sab
Cebu, Philippines — Sa ikatulong higayon karon nga season, si Dion Waiters sa Miami Heat gisuspenso na sab nga walay bayad.
Matud pa sa Heat, nga ilang gisilotan si Waiters gumikan sa kapakyas niini pagtuman sa palisiya sa ilang koponan.
Padayon nga gahi ang ulo niini ug dili mosangon sa ilang mga regulasyon.
Gumikan niini, si Waiters wala makaduwa sa ilang sangka batok sa LA Lakers kagahapon. Makabalik siya og duwa unya pa sa Disyembre 23 batok sa Utah Jazz.
Stern Gioperahan ang utok
Gipaubos sa dinalian nga operasyon si kanhi NBA commissioner David Stern gumikan sa 'brain hemorrage' kon pagdugo sa iyang utok.
Segun sa taho sa ESPN, nga si Stern kalit lang nawad-an sa iyang panimuot samtang nagkaon sa usa ka restaurant didto sa New York.
Tungod niini, gidali siya og dala sa usa ka tambalanan diin ang mga doktor dali nga mipahigayon kaniya og operasyon.